Sipas njoftimit të TK-së, shkëputja e kontratave të këtyre 302 punëtorëve ka kushtuar 6.2 milionë euro Telekomit.
“Duke qenë se shumë prej jush, pas njoftimit tonë për përfundimin me sukses të procesit të Ofertës ‘Pakot Vullnetare Dalëse’, keni shprehur shqetësimet e disa ish-të punësuarve apo opinionit lidhur me kompensimin financiar të tyre, ju njoftojmë se dje, me datë 30/06/2022 është ekzekutuar pagesa për 302 ish punëtorë të TK sh.a. që kanë pranuar vullnetarisht pakot e ofruara dhe kanë nënshkruar marrëveshje për ndërprerje të marrëdhënies së punës me ndërmarrjen tonë”, thuhet në njoftim.
Tabela e shpenzimeve tregon se totali për pakon e të pensionuarve para kohe ka kushtuar një milion e 145 mijë euro, ndërsa pakoja e dytë me nga 24 paga të përnjëhershme 5 milionë e 85 mijë euro. Shuma e përgjithshme e ndarë ishte 6 milionë e 231 mijë euro.
Po ashtu, nga Telekomi kanë bërë të ditur se para 15 korrikut do t’u paguhen këtyre punëtorëve kontributet pensionale. /teve1.info/
Njoftimi i plotë:
Telekomi i Kosovës: NJOFTIM SHTESË LIDHUR ME PAKOT DALËSE VULLNETARE
Të nderuar kolegë të mediave,
Duke qenë se shumë prej jush, pas njoftimit tonë për përfundimin me sukses të procesit të Ofertës “Pakot Vullnetare Dalëse”, keni shprehur shqetësimet e disa ish-të punësuarve apo opinionit lidhur me kompensimin financiar të tyre, ju njoftojmë se dje, me datë 30/06/2022 është ekzekutuar pagesa për 302 ish punëtorë të TK sh.a. që kanë pranuar vullnetarisht pakot e ofruara dhe kanë nënshkruar marrëveshje për ndërprerje të marrëdhënies së punës me ndërmarrjen tonë.
Në vazhdim, e gjeni tabelën me të dhënat për pagesën e ekzekutuar dje si dhe vlerat e përcaktuara të Tatimit dhe Kontributet pensionale që ditëve në vijim do të ju paguhen këtyre punëtorëve (gjithsesi para datës 15 të muajit Korrik’22)
Shuma e pagave neto e dërguar në Thesar
Rritur për tatimin e një punëtori që nuk tatimohet
Zvogëluar për ndalesat e tre punëtorëve për moskthim të pajisjeve
Total për pagesë në Bankë
Tatimi që do të paguhet
Kontributi pensional që do të paguhet
Totali
Pako A
945,859
–
–
945,859
89,975
109,975
1,145,809
Pako B
4,201,577
1,368
(1,630)
4,201,315
399,485
484,466
5,085,266
Total
5,147,174
489,460
594,441
6,231,075
Ju falënderojmë që në vijimësi e përcillni procesin aspak të lehtë të rimëkëmbjes së kompanisë e cila dikur ishte model i fuqisë ekonomike, kontribuesit të buxhetit të shtetit dhe përgjegjësisë sociale dhe ju ftojmë që duke përfituar nga politika e menaxhmentit të TK për transparencë dhe bashkëpunim të plotë me mediat dhe publikun, të vazhdoni të informoni publikun me kohë, korrektësi dhe profesionalizëm për kompaninë dhe punën tonë. Për çfarëdo paqartësie apo informate shtesë ju lutem mos hezitoni të na kontaktoni në çdo kohë.
Duke qenë se për procesin e “Pakove Dalëse Vullnetare” ju kemi informuar më herët në detaje, këtë informacion plotësues po e përcjellim mbi njoftimin tonë të fundit për përmbylljen e këtij procesi.
