Sipas Organizatës, gjetjet janë paraqitur nga Zyra e Auditorit për Ministrinë e Shëndetësisë, ku janë paraqitur disa shkelje në këtë institucion.
“Ndërrimi i dyerve të sallave të Emergjencës dhe renovimi i Pritores së Emergjencës në QKUK’’ në vlerë 114,217€, u janë ndryshuar sasitë e realizuara nëpër disa pozicione, duke i rritur/zvogëluar sasinë e kontraktuar, por pa ndryshuar çmimin total të kontratës. Nga gjithsej 100 pozicione sa ishin në kontratë 23 janë ndryshuar”, thuhet në komunikatën e Avonet.
Sipas komunikatës, bazuar në të dhënat e Auditorit të Përgjithshëm, në raport të auditimit për vitin 2019, kishte paraqitur çështjen B1 – “Realizim i ulët i projekteve kapitale dhe furnizimeve me mallra e shërbime” me gjetjen: “Sipas buxhetit final për vitin 2019, Ministria kishte fonde për të realizuar 26 projekte kapitale në vlerë prej 11 milionë e 97 mijë euro dhe për furnizim me mallra e shërbime, gjysma e të cilit buxhet ishte e dedikuar për furnizim me barna, 19 milionë e 897 mijë euro.
“Ku auditorët kishin identifikuar se: Niveli i shpenzimeve të projekteve kapitale ishte 58% në raport me buxhetin final. Nga 26 projektet e planifikuara 5 prej tyre nuk kishin shpenzime, përderisa 6 projekte kishin realizimin nga 3 deri 40%. Arsyeja e nivelit të ulët të realizimit të projekteve ishte planifikimi i dobët i projekteve dhe futja e projekteve në ligj të buxhetit, pa ndonjë analizë paraprake të mirëfilltë të projekteve”, thuhet në njoftim.
Kurse, bazuar në Raportion e Auditimit, Avonet ka raportuar se niveli i shpenzimeve të mallrave e shërbimeve ishte 51% në raport me buxhetin final.
“Nga buxheti prej 10.3 milion eurove për blerjen e barnave për nivelin parësor shëndetësor ishin shpenzuar vetëm 5.4 milionë euro. Furnizimi me barna nuk ishte realizuar si rezultat i vonesave në fillimin e procedurave, ankesat në OSHP si dhe vonesat në nënshkrim të kontratave”, thuhet në njoftim.
Ndërsa një e gjetur tjetër sipas raportit thuhet se është edhe pagesa e dyfish si pasojë e buxhetimti të gabuar.
“Ministria kishte bërë pagesa nga kategoria e mallrave dhe shërbimeve në shumë prej 580 mijë eurove, si rezultat i buxhetimit të gabuar, gjithashtu ministria ka paguar dhe regjistruar shpenzime në vlerë prej 539 mijë e 402 euro në kategori jo adekuate si pasojë e vendimit të qeverisë për angazhimin e stafit shëndetësor, në lidhje me menaxhimin e situatës së COVID-19, këto të gjetura i kishte identifikuar Auditori i Përgjithshëm në “Raportin e Auditimit për Pasqyrat Financiare Vjetore të Ministrisë së Shëndetësisë për Vitin 2020”.
Auditori ka gjetur shkelje edhe tek projekti për adaptimin e objektit për nevoja të Covid19, i cili ishte zhvilluar përmes procedurës së negociuar dhe kishte rezultuar me dy kontrata në vlerë totale prej 379 mijë eurove në dy pjesë/Lote.
“Loti 1 për projektim ishte nënshkruar dhe paguar në vlerë mbi 189 mijë eurove ndërsa loti 2 për mbikëqyrje ishte nënshkruar në vlerë afër 190 mijë eurove, e cila nuk është realizuar”, thuhet ndër të tjera në komunikatë.
Raporti i Auditorit ka identifikuar në çështjen A4 – “Dobësi në menaxhimin e barnave” ku janë gjetur barëra pa afat.
“Gjatë ekzaminimit fizik, në depon qendrore të barnave të Ministrisë së Shëndetësisë kemi vërejtur barna me afat të skaduar në vlerë 36 mijë e 261 eurove (insulinë 14,220 copë). Sipas zyrtarëve të Divizionit të Farmacisë në ministri barnat nuk janë shpërndarë në mungesë të kërkesës nga njësia kërkuese. Skadimi i afatit të barnave ka ndikuar në humbje financiare për ministrinë, gjithashtu do të ketë kosto shtesë në asgjësimin e tyre”, thuhet në njoftim.
Andaj sipas këtyre të gjeturave që janë identifikuar në Raportet e Auditimit për Pasqyrat Financiare Vjetore të Ministrisë së Shëndetësisë për vitin 2019 dhe 2020, përgjegjësia i takon Sekretarit të Përgjithshëm të Ministrisë së Shëndetësisë, dhe për këtë në raportin e auditimit janë theksuar edhe Përgjegjësitë e Menaxhmentit dhe të organeve drejtuese/qeverisëse për pasqyrat financiare vjetore, thuhet në raporton e Auditimit të publikuar nga Avonet.
