Një stuhi e madhe dimërore solli breshër, shi të ngrirë dhe borë në pjesën më të madhe të SHBA-së të dielën, duke sjellë temperatura nën zero gradë dhe duke ndaluar trafikun ajror dhe rrugor.
Stuhia kërcënoj gati 180 milionë njerëz – më shumë se gjysmën e popullsisë së SHBA-së.
Degët e pemëve dhe linjat e energjisë u këputën nën peshën e akullit, dhe qindra mijëra shtëpi dhe biznese në Juglindje mbetën pa energji elektrike.
Më shumë se 11,400 fluturime u anuluan të dielën, sipas faqes së ndjekjes së fluturimeve FlightAware.
Firma e analizave të aviacionit Cirium tha se që nga mëngjesi i së dielës, stuhia është ngjarja më e lartë e anulimeve të përjetuara që nga pandemia.
Në Filadelfia, 94% e fluturimeve, ose 326 fluturime, u anuluan. Nëntëdhjetë e një përqind e fluturimeve, ose 436 fluturime, u anuluan në Aeroportin LaGuardia në Nju Jork. Aeroporti Ndërkombëtar John F. Kennedy i Nju Jorkut pati 466 fluturime të anuluara, ose rreth 80% të fluturimeve, sipas FlightAware.
Akulli dhe reshjet e borës pritej të vazhdonin deri të hënën, të ndjekura nga temperatura shumë të ulëta, të cilat mund të shkaktojnë “ndikime të rrezikshme në udhëtime dhe infrastrukturë” për ditë të tëra, tha Shërbimi Kombëtar i Motit.
