Nga ky monitorim është vënë në pah se gjatë vitit 2022 kanë dështuar 133 aktivitete të prokurimit, kryesisht për shkak të planifikimit jo të mirë të aktiviteteve, mosrespektim i afateve kohore në trajtim të kërkesave për rishqyrtim si dhe përgatitje jo adekuate e specifikimeve teknike dhe kërkesave të përgjegjshmërisë së ofertuesve.
Në gjetjet kryesore të raportit theksohet se planifikimi i aktiviteteve të prokurimit publik nga institucionet publike është evidentuar i mangët.
Kjo ka rritur nevojën për prokurime emergjente, lidhje të kontratave me procedurë të negociuar dhe eliminim të konkurrencës në prokurim publik.
Ligji për Prokurimin Publik është potencuar se është i mangët sa i përket procedurës së përzgjedhjes së organeve vendimmarrëse të Komisionit Rregullator për Prokurimin Publik dhe Organit Shqyrtues të Prokurimit, ngase kriteret janë të përgjithësuara dhe nuk garantojnë përzgjedhjen e kandidatëve me përvojë në fushën e prokurimit publik.
Gjithashtu është theksuar fakti që opinionet e KRPP-së nuk kanë fuqi obliguese dhe shpesh të njëjtat nuk respektohen nga institucionet publike, sidomos në rastet e përdorimit të procedurës së negociuar pa publikim të njoftimit për kontratë.
Ky raport është përcjell për aprovim në Komisionin për Buxhet, Punëdhe Transfere./Teve1/
