Janë pamje të 1 janarit të vitit 2024.
Nga kjo ditë, kosovarët filluan të lëviznin lirshëm pa viza në shtetet e zonës Schengen.
E së fundmi sipas të dhënave të Agjencisë së Statistikave ka një rënie të udhëtarëve si dhe fluturimeve nga Aeroporti “Adem Jashari”.
“Në muajin maj 2026, numri i fluturimeve të realizuara ishte 1 099 ose (-6.0 %) më pak se në periudhën e njëjtë të vitit të kaluar. Ndërsa numri i udhëtarëve në total ishte 366 360 ose (-4,0 %) më pak së në periudhën e njëjtë të vitit të kaluar (maj 2025)”, thuhet nga ASK.
Por pavarësisht këtyre statistikave të muajit maj, sipas të dhënave të aeroportit në tre mujorin e parë të vitit 2026 ka pasur një ngritje të udhëtareve dhe fluturime.
“Ne tre mujorin e parë të këtij vit e kemi përmbyllur me një rritje të numrit të udhëtareve nderkaq tre mujori i dytë ka qenë më një rënie të numrit të udhëtarëve për shkak të krizës evropiane. Ndërkaq në muajin korrik nda data 1 korrik deri me tani kemi një rritje të numrit të udhëtarëve mbi 1.5%.Poashtu kemi edhe një rritje të numrit të fluturimeve mbi 3%”, thotë Valentina Gara, zëdhënëse e Aeroportit “Adem Jashari” në Prishtinë
Gara thotë se pret që në këtë sezon të këtë rritje të udhëtarëve.
“Duke pasur parasysh se jemi në sezonin e verës dhe duke pasur parasysh që shumica e udhëtarëve tanë janë nga mërgata ne jemi në pritje të një ngritje të numrit të udhëtarëve dhe po ashtu numrit të fluturimeve edhe gjatë kësaj sezone”, thotë ajo.
Por si ndikon në ekonomin e vendit kjo ulje e lëvizjeve të qytetarëve përmes transportit ajror?
“Duke pasur parasysh që rënia e numrit të qarkullimeve thotë që kemi një rënie të aktivitetit ekonomik për shkak se qarkullimi gjithnjë sjellë një rritje të aktivitetit ekonomike. Për të dhënë një shpjegim të saktë do të duhej të prezantohet se nga cilat vende ka një rënie të fluturimeve. Nëse kemi rënie nga vendet e perëndimit atëherë kemi një rënie të personave që vijnë dhe shpenzojnë në Kosovë kurse nëse kemi rënie të fluturime psh drejt Turqisë kemi rënie të kosovarë që po shkojnë në pushime jashtë vendit”, vlerëson Fidan Qerimi- njohës i ekonomisë.
Ndryshe, vitin i kaluar përmes Aeroportit të Prishtinës kishin udhëtuar rreth 4.6 milionë udhëtarë.
