Sulmuesi Kylian Mbappe nuk po i prin listës së golashënuesve vetëm në La Liga të Spanjës, por po dominon edhe në Ligën e Kampionëve këtë sezon.
Me dy golat e shënuar në fitoren e Real Madridit 4:2 ndaj Monacos, Mbappe tani numëron 11 gola të realizuar në vetëm 6 ndeshje të luajtura në Champions.
Francezi ka lënë prapa edhe sulmuesin e Bayern Munchenit, Harry Kane, i cili deri më tani ka shënuar 7 gola në garën elitare të Evropës.
Sa i përket kampionatit spanjoll, Mbappe në 19 ndeshje në La Liga ka shënuar 19 gola duke e lënë në pozitën e dytë Vedat Muriqin e Mallorcas me 14 gola të shënuar.
Në total, Mbappe këtë sezon ka 32 gola të shënuar në 27 paraqitje, ku ka shtuar edhe 5 asistime.
