Profesoresha e ndjerë, Shqipe Bajçinca-Brestovci u kujtua sot në mbledhjen komemorative organizuar për nder të saj nga Ministria e Kulturës, Rinisë dhe Sportit.
Ministri i MKRS-së, Hajrulla Çeku në këtë rast u shpreh se gjurmët e veprimtarisë së Shqipes do të mbeten gjithmonë të pashlyera dhe do të shërbejnë si frymëzim dhe motiv për gjeneratat e reja.
Të pranishëm ishin familjet Bajçinca-Brestovci, dekani i Fakultetit të Edukimit Fizik dhe Sportit, Musa Selimi, presidenti i Federatës së hendbollit Eugen Saraqini, studentë, miq e bashkëpunëtorë të të ndjerës. /teve1.info/