Sot është shënuar përvjetori i 34-të i vizitës historike të senatorëve amerikanë në Kosovë me krye senatorin, Robert Joseph Dole (Bob Dole).
Në këtë ceremoni, për nder të shënimit të 34-vjetorit të vizitës së senatorëve amerikan, kanë marrë pjesë presidentja e vendit, Vjosa Osmani, Ambasadori i Shteteve të Bashkuara të Amerikës në Kosovë, Jeff Hovenier dhe kryetari i Prishtinës, Përparim Rama, raporton teve1.info
Gjatë kësaj ceremonie, një flamur i Palestines është shpalosur në hapësirat e hotel “Grandit” gjatë intonimit të himneve, teksa janë dëgjuar edhe brohoritje “FREE PALESTINE”.
Ndryshe, më 29 Gusht 1990, në Kosovë erdhi delegacion i Senatorëve dhe Kongresistëve Amerikanë, i prirë nga senatori Bob Dole, ky merrnin pjesë senatorët John W. Warner nga Virxhinia, Jake Garn nga Utah, Don Nickles nga Oklahoma, Alfonse M. D’Amato nga Nju Jorku, Steve Symms nga Idaho dhe Connie Mack nga Florida.
Kjo vizitë ishte pikënisje për mbështetjen e Kosovës nga SHBA-ja për largimin e regjimit serb nga Kosova. Kërkesa e Presidentit Rugova ndaj senatorët ishte e qartë dhe mbeti e pandryshueshme: pavarësia e Kosovës është e vetmja zgjidhje për paqe në Ballkan. Kjo vizitë u pasua nga udhëtimi i Presidentit Rugova në SHBA menjëherë në shtator 1990, për ta ripërsëritur qëndrimin e tij të mbështetur nga populli i Kosovës.
