Në “Info Nata” në Tëvë 1, Mazreku theksoi se Trusti kur është themeluar, është paraparë që mjetet të tërhiqen vetëm në moshën e pensionimit.
“Ka shumë faktorë, është një presion që po vjen në rritje e sipër, që një mundësi e tillë të iu lejohet qytetarëve, përmes ndryshimit të ligjit. Në aspektin e logjikës ekonomike, Trusti, apo ky fond i kursimeve personale, kur është themeluar është paraparë që ky mund të tërhiqet vetëm në moshën e pensionimit. Ndërsa para kësaj moshe nuk ka mundësi që të tërhiqet, përveç në raste të veçanta, me sa kam informacion, për arsye shëndetësore”, tha ai.
Profesori i ekonomisë potencoi se nëse opozita arrin që përmes rrugëve ligjore ta imponojë tërheqjen e mjeteve nga Trusti, atëherë është “okej”.
“Nëse flasim nga logjika ekonomike, nuk ka logjikë të tërheqjes. Mirëpo nëse është disponimi i opinionit dhe opozita përmes rrugëve ligjore, përmes ndryshimit të ligjit arrin që ta imponojë që përmes ligjit të ju lejohet tërheqja e këtyre mjeteve, atëeherë është okej”, tha ai.
Tutje, Mazreku shtoi se Qeveria duhet ta trajtojë këtë çështje në mënyrë serioze dhe të vijë në një përfundim logjik. /Teve1.info/
