Fatmir Matoshi, anëtar i kryesisë së Nismës Socialdemokrate të Kosovës, duke komentuar sloganin e Vetëvendosjes ‘cep me cep’, ka thënë se një slogan i tillë nuk shkon, ndërsa tërhiqen nga hapja urës së Ibrit.
Madje ai ka thënë se edhe paralajmërimet e ShBA-së se situata e sigurisë është në ‘teh të thikës”, nuk shkon me sloganin e tyre.
“Edhe më thanë cep më cep edhe mu tërheq për hapjen e një ure, kjo nuk shkon. Nëse ata thonë që kanë shtri sovranitetit prapë ky slogan bie në kundërshtim me ta, sepse nuk duhej të kishte paralajmërime për situatën e siguresë në Kosovë”, ka thënë Matoshi në emisionin “InfoNata” në Tëvë1.
Matoshi sa i përket situatës së sigurisë në veri, ka thënë se të gjitha institucionet duhet të jenë në nivelin e përgjegjësisë së tyre.
