Një rast mashtrimi është raportuar në rrugën “Çeta e Minatorëve” në Mitrovicën e Veriut, ku një qytetare ka rënë viktimë e një skeme përmes telefonit.
Ngjarja ka ndodhur dje rreth mesditës, kur ankuesja ka pranuar një mesazh në telefon, përmes të cilit i janë kërkuar të dhënat personale me arsyetimin se kartela e saj bankare kishte skaduar. Duke i besuar këtij mesazhi, ajo ka dërguar të dhënat e kartelës dhe numrin personal.
Pas një kohe të shkurtër, nga llogaria e saj janë tërhequr 500 euro.
Lidhur me rastin, me urdhër të prokurorit është iniciuar hetimi dhe rasti është duke u trajtuar në procedurë të rregullt.
