Ministria e Arsimit, Shkencës, Teknologjisë dhe Inovacionit (MAShTI), ka dalë me një njoftim sot pas mbajtjes së pjesës së dytë të Testit të Arritshmërisë në lëndët si matematikë, informatikë, fizikë, kimi e biologji.
Sipas njoftimit, testi u organizua në 183 qendra të testimit, ku nxënësit u sistemuan në 1658 salla të testimi.
Gjithashtu u bë e ditur se sipas raporteve të administratorëve, për shkak të përdorimit të telefonave edhe kësaj radhe janë larguar disa nxënës.
Postimi i plotë:
Njoftim
Ministria e Arsimit, Shkencës, Teknologjisë dhe Inovacionit njofton se sot është organizuar pjesa e dytë e Testit të Arritshmërisë në lëndët: Matematikë, Informatikë, Fizikë, Kimi dhe Biologji.
Testi i Arritshmërisë është organizuar në 183 qendra të testimit, ku nxënësit janë sistemuar në 1658 salla të testimit.
Në pjesën e parë, nxënësit janë testuar në katër lëndë: Gjuhë amtare, Gjuhë angleze, Histori dhe Gjeografi.
Sipas raporteve të administratorëve, për shkak të përdorimit të telefonave edhe kësaj radhe janë larguar disa nxënës.
MAShTI falënderon të gjithë akterët e përfshirë në procesin e mbarëvajtjes së testit.
Rezultatet e testit do të publikohen më 08.07.2024.
