Ministrja e Arsimit, Arbërie Nagavci, ka bërë të ditur se janë ndarë 70 bursa në drejtimet deficitare dhe drejtimet teknike.
Sipas Nagavcit, konkursi është hapur me qellim të mbështetjes së nxënësve në profile të ndryshme për tregun e punës.
“Me qëllim të mbështetjes së nxënësve në profile të rëndësishme për tregun e punës, kemi hapur konkursin për bursa për nxënës në Institucionet e Arsimit dhe Aftësimit Profesional në drejtimet deficitare si dhe bursa për vajza në drejtime teknike”, ka shkruar ajo në një postim në Facebook.
Tutje, është bërë e ditur se vlera e bursës do të jetë 500 euro për një vit shkollor.
Në drejtimet deficitare mund të aplikojnë të gjithë nxënësit e IAAP-ve, ndërsa për drejtimet teknike vetëm vajzat. Bursat për drejtimet deficitare: Teknik për dizajnin e mediave interaktive, Instalues elektrik, Veterinë, Mekatronikë, asistent i turizmit dhe udhëtimeve, përpunimi i drurit/zdrukthtar, dhe hortikulturë.
“Bursat për vajza në drejtimet teknike: Metalpunues, instalues elektrik, instalues i ngrohjes, klimatizimit dhe ujësjellësit, automekanik, teknologjia e riciklimit, teknik i sistemeve të TIK-ut.
Linku i mëposhtëm tregon detajet:
