Ministria e Arsimit ka hapur thirrjen për nominimin anëtarëve të Këshillit Shtetëror të Cilësisë, në Agjencinë e Kosovës për Akreditim, raporton teve1.info
Lajmin e ka bërë të ditur vet ministrja e Arsimit, Arbërie Nagavci, ku ka thënë se nominimet kërkohen për katër fusha të caktuara sipas Udhëzimit Aadministrativ 6/2018.
Përmes një postimi në Facebook, Nagavci ka thënë se të drejtë nominimi apo vetnominimi kanë të gjithë personat juridik dhe fizik të regjistruar në Kosovës e të cilët duhet t’i plotësojnë disa kritere.
“Të nominuarit duhet t’i plotësojnë këto kushte:
1.Të jenë shtetas të Republikës së Kosovës;
2. Të kenë gradën e doktorit të shkencave me përvojë relevante akademike ose (10) vite përvojë në fushën e sigurimit të cilësisë në arsimin e lartë;
3. Në rast se studimet i kanë kryer jashtë vendit, duhet të kenë vendimin për njohje ose dëshminë e aplikimit për njohje të diplomës nga Ministria e Arsimit e Republikës së Kosovës;
4.Të kenë njohuri të gjuhës angleze.
Sipas kësaj thirrje, kërkohen nominime për 4 fusha të caktuara me Udhëzimin Administrativ nr.06/2018, datë. 07.05.2018 si vijon:
1.Artet dhe drejtësia;
2. Shkencat e natyrës, matematika, kompjuterika&Inxhinieria, prodhimtaria dhe ndërtimi;
3. Shëndeti dhe mirëqenia, bujqësia dhe veterina.
Afati për nominime do të jetë deri më 17.02.2023.
Detajet e kësaj thirrje mund ti gjeni në këtë link:
https://bit.ly/3HË7foM
Të gjithë të nominuarve ju dëshiroj suksese!”, ka shkruar ndër të tjera Nagavci.
