Marrëveshje bashkëpunimi mes Ministrisë së Mbrojtjes dhe Komunës së Prishtinës

Minitri i Mbrojtjes, Armend Mehaj tha se kjo marrëveshje ka për qëllim mbrojtjen e shëndetit dhe jetës së qytetarëve.

“Qëllimi i kësaj marrëveshje është ofrimi i mbështetjes së autoriteteve komunale të Prishtinës, nga ana jonë, me njësitë e specializuara të FSK-së, për mbrojtjen e shëndetit dhe jetërave të qytetarëve, nga ekspozimi i mundshëm në prani të azbestit, si dhe evitimit dhe eliminimit të kësaj substance toksike afër shkollave, si dhe në zonat dhe lagjet e urbanizuara të Prishtinës”, shkroi Mehaj.

Tutje ai tha se FSK do të vazhdojë të përmbushë me sukses misionin e tyre, edhe me mbështetjen permanente ushtarake të autoriteteve civile qendrore dhe lokale, si dhe qytetarëve pa dallim.