Marrëveshja për reciprocitetin në targat automjeteve skadoi, mirëpo stikerët vazhdojnë të ngjiten.
Njëjtë si më herët, shoferët nga Kosova e Serbia po i mbulojnë simbolet shtetërore, kur po kalojnë nga njëri shtet në tjetrin.
Në pikën kufitare të Merdarës, Urosh Miliç mbuloi simbolet shtetërore të Serbisë për të hyrë në Kosovë.
Sipas tij, e rëndësishme është të gjendet një model që të mos ketë probleme të mëdha në mes dy vendeve.
“Nuk e di se çfarë po ndodhë. Nuk e di as marrëveshjen, sepse nuk jam në rrjedha, por me siguri se duhet të gjendet një model, sepse populli duhet të funksionoj, si shqiptarët nga Kosova, ashtu edhe serbët nga Kosova, ata nga Serbia qendrore e po ashtu edhe shqiptarët që jetojnë në Serbi sepse sigurisht që duhet të gjendet një model dhe populli të mund të jetojë, nëse mund të themi normalisht”, tha qytetari Uroš Milić.
Paqe në mes dy vendeve po kërkon edhe një qytetar tjetër.
“Unë nuk e di se për çfarë shërbejnë këto mbulime dhe nuk më intereson të di. Mendimi im është që të këtë bashkëpunim mes dy vendeve, të këtë paqe dhe mirësi sepse ne po përdorim të njëjtat vende dhe të njëjtat rrugë me njëri tjetrin. Nëse kjo arrihet nuk është problem edhe vendosja dhe largimi i këtyre stikerave”, tha njw qytetar tjetër.
Mirëpo ka edhe prej tyre që nuk janë të kënaqur me këtë vendim.
“Sa i përket kalimit kufitar gjithçka është në rregull. Por zgjidhja nuk është e mirë. Shteti që është i njohur në mbarë botën, duhet të vendosë këto letra ngjitëse”, tha njw tjetër qytetar.
Në anën tjetër, Presidentja e vendit Vjosa Osmani ka thënë se bllokuese e dialogut po vazhdon të jetë Serbia.
Sipas Osmanit, së shpejti do të arrihet një marrëveshje finale për targa.
Që kjo masë do të vazhdojë të jetë në fuqi po e thotë edhe drejtori i të ashtëquajturës Zyra për Kosovën në Qeverinë e Serbisë, Petar Petkoviq.
“Regjimi i stikersëve do të vazhdojë derisa të gjendet zgjidhja përfundimtare në nivelin e lartë”, tha ai.
Gjatë së enjtes, kryenegociatorët e dialogut janë takuar në Brukse, por nuk kanë arritur të finalizojnë ndonjë marrëveshje për këtë çështje.
Raporti i gazetares Fetije Kamberi.
