Kryetari i AAK-së, Ramush Haradinaj ka pritur sot në takim ambasadorin e Finlandës në Kosovë, Matti Nissinen.
Me këtë rast, Haradinaj ka bërë të ditur se temë diskutimi ka qenë modalitetet që mund t’i japë Finlanda për fazën e zbatimit të marrëveshjes mes Kosovës e Serbisë.
“Diskutuam modalitetet që mund t’i japë Finlanda për fazën e zbatimit të marrëveshjes mes Kosovës dhe Serbisë, e udhëhequr nga BE dhe e përkrahur fuqishëm nga ShBA-të. E falënderova Ambasadorin Nissinen për mbështetjen e vazhdueshme të Finlandës ndaj Kosovës, veçanërisht në funksion të zhvillimit ekonomik dhe proceseve integruese”, ka shkruar ai në Facebook. /Teve1.info/