Tash e 11 ditë situata në veri të Kosovës është e brishtë.
Madje të hënës e javës që lamë pas, protesta e serbëve kundër kryetarëve të zgjedhur ishte e dhunshme.
E për ti ulur tensionet, si zgjidhje nga ndërkombëtarët janë parë zgjedhjet në katër komunat veriore.
Por profesor i shkencave politike, Dritero Arifi, thotë se vetëm një marrëveshje finale mund të qetësojë situatën e krijuar në atë pjesë të vendit.
Për të marrë pjesë në këto zgjedhje Lista Serbe ka paraqitur dy kushte.
Kushti i parë sipas kësaj parti, është që të formohet asociacioni dhe Policia e Kosovës të largohet nga veriu.
E profesor, Dritëro Arifi, i sheh jo serioze këto kërkesa nga Lista Serbe.
Mendim të njëjtë ndan edhe njohësi i çështjeve politike, Visar Xani.
Madje ky thotë se këto kushte janë kryekëput kërcënim nga Beogradi.
Edhe Xani beson që shkuarja në zgjedhje është zgjidhje afatshkurtër.
Ndryshe në zgjedhjet që u mbajtën me 23 prill, Lista Serbe kishte vendosur që t’i bojkotonte.
