Marina izraelite kreu sulme ajrore në kryeqytetin e Jemenit, Sanaa, në orët e para të së dielës, sipas agjencisë së lajmeve Saba të drejtuar nga grupi Huthi.
“Agresioni amerikano-izraelit” goditi Centralin Qendror të Energjisë Elektrike Haziz në distriktin Sanhan, në jug të Sanaas, tha agjencia.
Duke cituar burime lokale, raportohet se sulmi goditi gjeneratorët e energjisë elektrike, duke i nxjerrë ata jashtë funksionit.
Një burim në Autoritetin e Mbrojtjes Civile të Jemenit tha se zjarrfikësit arritën të shuajnë flakët e shkaktuara nga sulmi në objekt.
Transmetuesi publik izraelit KAN citoi një zyrtar të sigurisë i cili konfirmoi se Marina Izraelite ishte e përfshirë në sulm.
Hizam al-Assad, një anëtar i Byrosë Politike të Houthëve, shkroi në kompaninë amerikane të mediave sociale X se “armiku kriminal dhe i falimentuar po synon vetëm objektet e shërbimit dhe strukturat civile, siç janë energjia elektrike dhe uji”.
Që nga nëntori i vitit 2023, Huthitët kanë synuar anijet tregtare në Detin e Kuq, Gjirin e Adenit dhe Detin Arabik në mbështetje të palestinezëve në Gaza, ku gati 61,900 viktima janë vrarë në një sulm izraelit.
