Gjyqtari Szymon Marciniak është ftuar nga FSHF, për të ndarë drejtësinë në finale e madhe të “Final Fourit” të Kategorisë Superiore në Shqipëri, ka bërë të ditur presidenti Armando Duka.
Finalja e madhe do të luhet më datën 12 maj kurse Marciniak do të jetë gjyqtari kryesor në ndeshjen ku do të vendoset titulli i kampionit për këtë sezon në Shqipëri.
Në gjysmëfinale të “Final Four” të Superiores, do të përballen Egnatia – Partizani dhe Vllaznia – Dinamo City, skuadra këto që synojnë finalen e 12 majit.
Marciniak është një nga gjyqtarët më të mirë të FIFA-s kurse gjatë karrierës së tij, polaku ka drejtuar disa finale më të rëndësishme.
Megjithatë, finalja më e rëndësishme është ajo e Kampionatit Botëror “Katari 2022” ndërmjet Francës dhe Argjentinës.
Marciniak, gjithashtu ka drejtuar edhe finalen e vitit 2023 të Ligës së Kampionëve ndërmjet Manchester Cityt dhe Interit.
