Republika e Maqedonisë së Veriut është renditur e 85-ta në indeksin ndërkombëtar për perceptimin e korrupsionit në botë nga “Transparency International”.
Nga vendet e rajonit para Maqedonisë së Veriut janë Sllovenia (41), Greqia (51), Kroacia (57), Mali i Zi (65), Kosova (84). Kurse pas MV-së, janë Shqipëria dhe Serbia (101).
Sipas këtij Indeksi thuhet se shumica e vendeve po dështojnë të ndalojnë korrupsionin.
Indeksi rendit 180 vende dhe territore në mbarë botën sipas perceptimit të qytetarëve për korrupsionin në sektorin publik dhe vlerësohet në një shkallë nga 0 (shumë e korruptuar) në 100 (shumë e pastër).
Në krye të kësaj renditjeje renditen Danimarka, Finlanda, Zelanda e Re, Norvegjia, Singapori, Suedia.
