Ministri i Mbrojtjes, Ejup Maqedonci, i ka uruar besimtarët myslimanë me rastin e Kurban Bajramit.
Maqedonci, përmes një postimi në rrjetin social Facebook, tha se mësimi më i rëndësishëm i kësaj feste është solidariteti me tjetrin si udhërrëfyesi i përhershëm për jetë në paqe.
“Të gjithë besimtarëve myslimanë u uroj festën e Kurban Bajramit, festën e sakrificës. Mësimi më i rëndësishëm i kësaj feste është solidariteti me tjetrin si udhërrëfyesi i përhershëm për jetë në paqe. Me synim tjetrin e jo veten, në këtë ditë rikujtojmë̈ mësimet hyjnore për t’u treguar bujarë e zemërgjerë, sidomos me skamnorët, jetimët, të dobëtit dhe të vetmuarit. Uroj që kjo festë të sjellë paqe e lumturi në zemrën e secilit”.
