Ministri i Mbrojtjes, Ejup Maqedonci i ka shprehur ngushëllime familjarëve të ushtarit italian të KFOR-it i cili dje humbi jetën një aksident rrugor që ndodhi në rrugën Pejë – Klinë.
“Gjatë ditës së djeshme në një aksident rrugor humbi jetën tragjikisht pjesëtari i KFOR-it italian, Claudio Caddedu. Me dhimbje të madhe shprehi ngushëllimet e mija familjes Caddedu, ministrit Crosetto dhe gjithë ushtarakëve të KFOR-it të cilët humbën pjesëtarin e tyre. Lavdi!”, ka shkruar ai.
Ushtari italian që vdiq në aksident ishte i angazhuar në bazën e KFOR-it në Novosellë.
Në aksidentin që ndodhi në fshatin Leshan është lënduar dhe një civil, drejtuesi i një kamioni të përfshirë në ndeshje. Ai cilësohet si i dyshuar për aksidentin e shkaktuar dhe është dërguar në mbajtje për 48 orë. /Teve1.info/
