Ministri i Mbrojtjes, Ejup Maqedonci, ka filluar vizitën e tij në ShBA me një takim në Atlantic Council, ku u prit nga Jörn Fleck, drejtor senior në këtë think-tank dhe bashkëpunëtorët e tij.
Gjatë këtij takimi, Maqedonci dhe Fleck diskutuan rreth situatës globale të sigurisë, sulmeve terroriste në veri, situatës së sigurisë në vend dhe influencën e bashkëpunimit Rusi-Serbi në shërbim të destabilizimit të rajonit.
“Ministri Maqedonci konfirmoi angazhimin institucional të Kosovës për integrim në NATO dhe BE dhe thellimin e mëtejmë të bashkëpunimit mes Kosovës dhe SHBA-ve në fushën e mbrojtjes dhe sigurisë” thuhet në njoftim.
