Ministri në detyrë i Mbrojtës, Ejup Maqedonci po qëndron në ShBA ku po merr pjesë në Konferencën Vjetore dhe Panairin e Industrisë së Mbrojtjes “AUSA 2025”, që po zhvillohet në Ëashington D.C., me pjesëmarrjen e përfaqësuesve nga 92 vende të botës.
Ai është ftuar nga Asociacioni i Ushtrisë Amerikane (AUSA).
“I organizuar në zemër të kryeqytetit amerikan, takimi vjetor i AUSA-s përbën shumë më tepër sesa një panair tregtar – ai është një platformë strategjike që bashkon udhëheqësit më të lartë ushtarakë, inovatorët e industrisë së mbrojtjes, politikëbërësit dhe delegacionet ndërkombëtare. Kjo ngjarje treditore ofron mundësi të rëndësishme për të eksploruar teknologjitë më të avancuara ushtarake dhe për të thelluar bashkëpunimin ndërkombëtar në fushën e sigurisë dhe mbrojtjes me synim shqyrtimin e mundësive për zhvillimin e mëtejshëm të Forcës së Sigurisë së Kosovës, në përputhje me nevojat, prioritetet dhe standardet bashkëkohore të mbrojtjes”, ka shkruar Maqedonci në Facebook./teve1.info/
