Ministri në detyrë i Mbrojtjes, Ejup Maqedonci me rastin e festës së Ditës së Flamurit ka marr pjesë sot në Prizren, në vendosjen e shtatores së heroit të kombit, Tahir Sinanit.
Maqedonci ka thënë se Prizrenin e Lidhjes Shqiptare dhe komandantin i veçon dimensioni përbashkues i gjeografisë shqiptare.
Derisa, ai tha se përjetësimi i heronjve të Kosovës në shtatore nuk është vetëm nderim për veprën e tyre individuale, por edhe përjetësim i përpjekjes të përbashkët kombëtare.
“Prizrenin e Lidhjes Shqiptare dhe Komandantin Tahir Sinani i veçon dimensioni përbashkues i gjeografisë shqiptare. Këtu, historia jonë ngrihet mbi themele krenarie, sakrifice dhe vizioni kombëtar. Përjetësimi i heronjve tanë në shtatore nuk është vetëm nderim për veprën e tyre individuale, por edhe përjetësim i përpjekjes sonë të përbashkët kombëtare dhe i luftës çlirimtare që i dha kuptim lirisë që gëzojmë sot. Jeta dhe vepra e Komandant Tahir Sinanit mbeten shembull i guximit, përkushtimit dhe atdhedashurisë—një udhërrëfyes që duhet ndjekur nga çdo brez”, ka shkruar Maqedonci./teve1.info/
