Ministri në detyrë i Mbrojtjes, Ejup Maqedonci, ka publikuar disa fotografi nga ecja e tij e sotme në parkun e Gërmisë, ku iu bashkua kadetëve të Akademisë Ushtarake të FSK-së gjatë marshit kondicional 13-kilometërsh “Shtegu i Lavdisë”.
Maqedonci ka theksuar se prezenca e kadetëve ka dhënë energji të re ecjes së tij, duke vlerësuar disiplinën dhe përkushtimin e tyre.
“Ecja ime e zakonshme në Gërmi sot mori një energji krejt tjetër – një pjesë të rrugës e bëra së bashku me kadetët e Akademisë Ushtarake të FSK-së, oficerët e ardhshëm që po realizonin marshin kondicional 13 km “Shtegu i Lavdisë”. Disiplina dhe përkushtimi i tyre janë frymëzim i vërtetë”, ka shkruar Maqedonci në Facebook./teve1.info/
