Ministri i Mbrojtës së Kosovës, Ejup Maqedonci, ka thënë se për hapjen e fabrikës shtetërore të municionin kanë marrë një raport fizibiliteti nga Turqia.
Ai ka thënë se janë në fazën finale të projektit.
Maqedonci në një konferencë për media ka thënë se për këtë veprim janë koordinuar me partnerët ndërkombëtar.
“Jemi koordinuar me parterët tanë dhe në këtë rast, pra për hapjen e fabrikës shtetërore të municionit jemi në kontakt dhe kemi pranuar edhe një raport fizibiliteti me prodhues shtetëror nga Ministria e Mbrojtjes e Turqisë. Jemi në fazën e finalizimit të këtij projekti dhe komisioni i cili do të punojë, do të finalizojë kontratën me të cilën ne fillojmë punën për hapjen e fabrikës shtetërore për prodhimin e municionit”, tha Maqedonci, raporton teve1.info.
Ai tha se ky është projekt i Qeverisë dhe nuk prek fazën e tranzicionit të FSK-së.
Sipas tij, hapja e fabrikës shtetërore të prodhimit të municionit nuk dëmton prodhuesit privat.
Maqedonci ka thënë se janë në diskutime me parterët edhe sa i përket krijimit të laboratorit për zhvillimin e dronëve.
Kosova nis procedurat për hapjen e fabrikës për prodhimin e municionit
