Ministri në detyrë i Mbrojtjes, Ejup Maqedonci ka thënë se forcimi i sigurisë kibernetike është domosdoshmëri kombëtare.
Ai ka se Qeveria e Kosovës dhe FSK kanë marrë hapa konkret drejt forcimit të kapacitete mbrojtëse.
“Forcimi i sigurisë kibernetike nuk është vetëm detyrim institucional, por edhe domosdoshmëri kombëtare për garantimin e një të ardhmeje të sigurt, të qëndrueshme dhe të mbrojtur për qytetarët dhe vendin tonë. Siguria kibernetike është përfshirë si pjesë integrale në Strategjinë e Mbrojtjes së Republikës së Kosovës, si dhe në Strategjinë për Mbrojtje Kibernetike të Ministrisë së Mbrojtjes dhe FSK-së”, ka thënë Maqedonci.
Ai gjatë fjalimit në konferencën “Impakti financiar i Sigurisë Kibernetike – investim apo shpenzim i domosdoshëm”, tha se siguria kibernetike duhet trajtuar jo thjesht si shpenzim, por si investim strategjik në të ardhmen, që garanton mbrojtjen e infrastrukturës kritike, ruajtjen e të dhënave, funksionimin e institucioneve dhe besimin publik në sistemet tona digjitale.
“ Çdo euro e investuar në mbrojtjen kibernetike është investim në stabilitet, zhvillim ekonomik dhe siguri kombëtare”, tha ai./teve1.info/
