Zëdhënësi i Lëvizjes Vetëvendosje, Arlind Manxhuka, ka thënë se është ftuar nga Prokuroria Speciale për intervistim, për shkak të deklaratave të tij për lirimin e i ish-pjesëtarit të Policisë së Kosovës, Dajan Pantiqit, i cili ishte akuzuar për “terrorizëm në bashkëkryerje”
Ai ka thënë se kjo thirrje është përndjekje ndaj qytetarëve e anëtarëve të LVV-së, pas sipas tij për mbi 200 dosje të cilat janë dërguar për shkeljet në ministri nga qeveritë e kaluara, Prokuroria ka heshtur.
“Rreth 250 denoncime të shkeljeve e proceseve korruptive janë bërë nga ana e ministrive përgjatë kësaj kohe të qeverisjes. Veprimet e prokurorisë jo që ishin të mangëta, por shpeshherë rrëzuan raste me situatë të qartë. Por, Prokuroria Speciale nuk është se ishte pasive, përkundrazi ajo është më aktive se kurrë në përndjekje të qytetarëve me prefixin VV. Pra, ky është keywordi që i bënë përshtypje kësaj Prokurorie. Në këtë linjë, për nesër jam ftuar për intervistim nga Prokuroria Speciale, në lidhje me reagimin tim në rastin e lirimit të kriminelit/terrorist Dejan Pantiq. Detajet besoj do t’mi jep nesër prokurorja. Unë i plotësoj të gjitha kushtet për të marrë ftesë nga prokuroria si për nga prefixi ashtu edhe nga keywordi, por kjo përpjekje e nomenklaturës së moçme si në politikë ashtu edhe në Prokurori për të frikësuar qytetarin e Kosovës, aktivistin e Lëvizjes VETËVENDOSJE! është dëshmuar të jetë e kotë. Nuk do të ja dalin”, ka shkruar ai.
Për të njëjtin rast ka njoftuar se është ftuar edhe aktivisti i LVV-së, Egzon Azemi
