Pas vendimit të Këshillit të Ministrave të Bashkimit Evropian për liberalizimin e vizave për Kosovën, ka reaguar eurodeputeti austriak, Lukas Mandl.
Mandl thotë se kjo ka qenë e vonuar, megjithatë ka arsye për të qenë të lumtur, përcjell teve1.info
“Kjo është shumë e vonuar. Kemi arsye për të qenë të lumtur. Por ne gjithashtu duhet të pyesim veten pse disa vendime që e bëjnë jetën më të mirë për shumë njerëz dhe nuk do të dëmtonin askënd ndonjëherë zgjasin kaq shumë në BE. Ne duhet të kapërcejmë qasje të tilla ideologjike. Le t’u shërbejmë Evropës dhe evropianëve”, ka shkruar ai në Twitter.
Pas heqjes së regjimit të vizave, qytetarët e Kosovës do të mund të qëndrojnë në vendet e BE-së pa vizë në periudhë prej 90 ditëve, brenda afatit kohor prej 180 ditëve. /Teve1.info/
This is long overdue. We have reasons to be happy. But we also have to wonder why some decisions which make life better for many & would harm nobody sometimes take so long in EU. We have to overcome such ideological approaches. Let‘s serve Europe & the Europeans. #Kosova #Kosovo https://t.co/ymA7YjnHH9
— Lukas Mandl (@lukasmandl) March 9, 2023
