Mandarinat janë një frut i shijshëm dhe shumë popullor gjatë dimrit. Aroma e tyre e freskët na sjell ndërmend ditët e ngrohta të verës, duke i dhënë një energji të veçantë stinës së ftohtë. Edhe në vendin tonë, ato janë ndër frutat më të konsumuar. Por, a ndikojnë ato negativisht në shëndetin e dhëmbëve tuaj?
Në këtë artikull, do të zbulojmë nëse mandarinat janë të dëmshme për dhëmbët dhe do t’ju tregojmë disa mënyra për të minimizuar efektet e tyre të mundshme, duke mbrojtur kështu buzëqeshjen tuaj.
Sheqeri dhe aciditeti janë dy faktorët problematikë të mandarinave për dhëmbët tuaj
Sheqeri
Mandarinat janë natyrisht të ëmbla, por kjo ëmbëlsi nuk është gjithmonë e mirë për shëndetin oral. Një mandarinë mesatare përmban një sasi të konsiderueshme sheqeri. Mandarinat jane me pak acidike se lemoni, po me te ëmbëla, afërsisht të barabartë me një të tretën e sasisë që gjendet në një kanaçe të vogël Coca-Cola. Sheqeri ushqen bakteret në gojë, duke nxitur prodhimin e acidit. Ky acid dëmton smaltin, shtresën mbrojtëse të dhëmbit, dhe rrit rrezikun për prishjen e dhëmbëve.
Aciditeti
Përveç sheqerit, mandarinat janë gjithashtu të njohura për aciditetin e tyre. Ato janë ndër frutat më acidike. Ky acid i lartë dëmton smaltin duke e holluar atë, një proces i njohur si erozioni acidik. Smalti nuk rritet përsëri, kështu që me ekspozimin e tepruar ndaj acidit, smalti juaj do të bëhet më i hollë. Kur smalti dobësohet, dhëmbët bëhen më të ndjeshëm dhe më të prirur ndaj kariesit.
Cilat jane te mirat qe ofron Mandarina?
Edhe pse mandarinat kanë përmbajtje të lartë të sheqerit dhe acidit, ato kane edhe benefitet e veta. Në fund të fundit, ata përmbajnë edhe vitamina dhe minerale që ndihmojnë në shëndetin e dhëmbëve dhe mishrave të dhëmbëve. Ato janë të pasura me vitamin C. Vitamina C ndihmon në formimin e indeve lidhëse, pasi është një antioksidant, duke ndihmuar kështu në parandalimin e sëmundjeve periodontale dhe gingivitit.
Cilat jane disa keshilla qe te mbrojm dhembet nga konsumimi i mandarinave?
Kur hani një mandarin, është e pamundur të shmangni plotësisht efektet e sheqerit dhe acidit mbi dhëmbët tuaj. Megjithatë, mund të zvogëloni dëmin. Ja disa këshilla për ti mbrojtur dhëmbët tuaj nga perdorimi i mandarinave:
Shpëlaj gojën me ujë pas konsumimit të mandarinave. Kjo ndihmon në neutralizimin e acideve dhe pastrimin e mbetjeve të frutave nga dhëmbët.
Mos i lani dhëmbët menjëherë pas ngrënies. Edhe pse mund të mendoni se larja e dhëmbëve pas ngrënies së portokallit është ide e mirë, në realitet është e gabuar. Acidi i mandarinave mund të zbutë smaltin për deri në një orë, dhe larja në këtë periudhë mund ta dëmtojë atë. Prisni të paktën një orë para se t’i lani dhëmbët.
Shmangni konsumimin e tepërt. Ndërsa janë të shëndetshme, konsumimi i shpeshtë i mandarinave gjatë ditës rrit ekspozimin ndaj acideve.
Hani mandarinat gjatë vakteve. Kur i konsumoni gjatë vakteve, prodhimi i pështymës është më i lartë dhe ndihmon në neutralizimin e aciditetit.
Hajeni mandarinen shpejt.
Zvogëloni kohën që dhëmbët tuaj janë të ekspozuar ndaj sulmeve nga sheqeri dhe acidi.
Vizitoni dentistin rregullisht. Kontrolli i rregullt siguron qhë smalti juaj të monitorohet dhe çdo dëmtim të parandalohet në kohë.
Nëse i ndjek këto këshilla, mund të shijosh mandarinat pa dëmtuar shëndetin e dhëmbëve!
Autori: Petrit Lushi -Stomatolog
