Manchester United ka arritur një fitore të pastër, dhe komode në udhëtim ndaj Leeds United me shifra 2:0.
Në ndeshjen që i takoi xhiros së 23, “Djajtë e Kuq” e nisën më mirë ndeshjen, duke rrezikuar me anë të Bruno Fernandes, që pranoi një pasim nga Jadon Sancho, por Illan Meslier ishte i vëmendshëm. Derisa vendasit u treguan të rrezikshëm me Crysencio Summerville, por që nuk arriti të mposhti De Gea.
Ndërkaq me “vrull” në pjesën e dytë nisi skuadra vendase, me McKennie që goditja e tij përfundoi ngjitur me shtyllën, por me pas të kuqtë e morën lojën në kontrollin e tyre, duke shënuar dy herë.
Goli i parë i takimit erdhi në minutën e 80-të, kur Luke Shaw asistoi te Rashford, që realizoi për 1-0. Pesë minuta më vonë, Wohut Weghorst lëshoi topin te Alejandro Garnacho, që realizoi për 2-0.
Pas javës së 23-të, Manchester United është ngjitur në vendin e dytë me 46 pikë, një më pak se rivali lokal City, që luan pas pak ndaj Aston Villas. Në xhiron e 24-të, United do të ketë punë me Leicesterin.
