Shkëmb Manaj, anëtar i kryesisë së LDK-së ka thënë se vendimi i sotëm i kësaj partie për të heq dorë nga kërkesa për pozita në institucione në bisedimet me Lëvizjen Vetëvendosje për formimin e institucioneve, është në interes të Republikës.
Ai ka thënë vendimi është marrë pas disa takimeve të zhvilluar mes Kurtit dhe Abdixhikut, ku në takimin e fundit, ata morën një ofertë për bashkëqeverisje, që sipas tij nuk ishte dinjitoze.
Por, një tjetër zhvillim që LDK e ka shtyrë të marrë këtë vendim, ai në “InfoNata” në Tëvë1 ka thënë se ndërlidhet me zhvillimet e një dite më parë në Kuvend, ku pati tensione e përleshje mes deputetëve të LVV-së me ata të PDK-së e Aleancës.
“Pozicioni fillestar ka qenë që LDK ka qenë e gatshme të ofroj kontributin e saj në zgjidhjen e ngërçit politik dhe stabilitetit politik duke u bërë pjesë e një marrëveshje gjithëpërfshirëse që nënkupton rolin e saj edhe në qeverisjen e vendin por edhe në zgjedhjen e Republikës. Në takimin e fundit ka pas Kurti dhe Abdixhiku na është dhënë n një ofertë konkrete që t’i ofrojë zëvendëskryeministrin dhe tri ministri në këmbim të zgjedhjes së ngërçit politik. Ky ofrim nuk ka qenë dinjitoz. Pozicioni ndërlidhet edhe me skenat e djeshme në Kuvend. Këto skena nuk i duhet vendit. LDK nuk ka qenë e përfshirë në asnjë mënyrë”, ka thënë Manaj
Ai ka thënë pas këtij vendimi nuk ka arsye që të mos thirret seanca konstituive e Kuvednit.
PDK e Aleanca kanë bërë kërkesë që të premten të thirret seanca konstituive, duke shtuar se nga ora 11:00 sipas kërkesës për thirrje do të jenë aty.
Por, Manaj ka thënë se LDK do të marr pjesë në seancën që thirret zyrtarisht.
