Sulmuesi i Kombëtares së Shqipërisë, Rey Manaj sipas të gjitha gjasave do ta vazhdoj karrierën në Superligën e Turqisë.
Manaj këtë verë do të largohet nga Sivasspori, ndërsa skuadra e Samsunsporit po shihet favorit për shërbimet e tij.
Mësohet se Samsunspori ka mposhtur konkurrencën e fortë të Beshiktashit dhe Trabzonsporit për Manajn dhe tashmë ka nisur negociatat me Sivassporin për transferimin e tij.
Manaj do të largohet nga Sivasspori edhe pse ka kontratë deri në vitin e ardhshëm por klubi ka marrë vendim për ta shitur këtë verë.
Kartoni i Manajt vlerësohet rreth 3 milionë euro, ndërsa te Samsunspori po shihet si përforcim ideal për repartin e sulmit.
