Rey Manaj përzgjidhet në formacionin e javës së 21-të në kampionatin turk. Sulmuesi i kombëtares shqiptare, shkëlqeu në fitoren e Sivasporit përballë Kaiserisporit, duke shënuar dy gola dhe duke dhënë dy asiste.
Manaj është vlerësuar me notën më të lartë (9.9) nga faqja e specializuar e statistikave Sofascore.
27-vjeçari ka shënuar 6 gola në 14 ndeshje të luajtura në kampionat, por duhet theksuar se këtë sezon Manaj ka pasur probleme me dëmtimet dhe ka munguar në disa ndeshje të Sivasporit.
Manaj, është shqiptari i vetëm në formacionin e javës në Superligën turke për këtë javë.
Momentalisht Sivaspori i Manaj, ndodhet në vendin e 13-të të elitës turke, me 23 pikë të tubuara.
