Man Utd, Chelsea dhe Arsenal janë gati të luftojnë për sulmuesin e Interit, Lautaro Martinez në këtë verë. Sipas mediumit anglez TEAMtalk, tre gjigantët e Premier League janë duke kërkuar në treg për një sulmues, kur afati i transferimeve rihapet në verë dhe asi argjentinas Martinez figuron në listat e tri skuadrave angleze.
Martinez ka qenë në formë të mire për Interin që kur u kthye nga Kupa e Botës ku ndihmoi Argjentinën të fitonte trofeun në Katar 2022.
25-vjeçari ka shënuar shtatë gola në nëntë ndeshjet e tij të fundit në të gjitha garat për të sjellë numrin e tij të përgjithshëm në 15 gola dhe shtatë asistime deri më tani në këtë sezon.
Skuadrat angleze janë të vetëdijshëm me problemet financiare të Interit, dhe me një shumë tunduese ata mund ta marrin Martinez në fund të sezonit.
Mbrojtësi i krahut të djathtë Denzel Dumfries përfaqëson një tjetër pasuri shumë të shitshme dhe, për ironi, është lidhur edhe me Man Utd dhe Chelsea.
Megjithatë, Martinez do të gjeneronte një tarifë shumë më të lartë se sa vlerësohet Dumfries prej rreth 40-50 milionë funte dhe vetëm shitja e tij do të ishte ndihma më e madhe për kauzën e tyre financiare.
