Politologu, Albinot Maloku, ka thënë se kërkesa për shkuarje në zgjedhje të reja për të tejkaluar krizën politike pas dështimit të konstituimit të Kuvendit, është manipulim me qytetarin.
Ai ka thënë se me këtë partitë politike po i ofendojnë qytetarët.
“Subjektet politike janë duke e ofenduar 9, shkurtin, qytetarët e 9 shkurtin dhe unë nuk e di pse qytetarët duhet me besua që zgjidhja janë zgjedhjet, për rrjedhojë ato duhet të mbahet në të njëjtën ditë me ato lokale. Automatikisht i sheh si manipulative”, ka thënë ai në emisionin “Këndi i Debatit” në Tëvë1.
Sipas tij kjo qasje joserioze mund të ndikojë edhe te aleatët që të humbin interesimin që siç ka thënë ai në këtë fazë do të ishte shumë e dëmshme për Kosovën.
