Anëtari i kryesisë së LDK-së, Avdullah Hoti kërkoi ndryshim të lidershipit të partisë për shkak të rezultateve zgjedhore.
Për këtë politologu, Albinot Maloku ka thënë se këto pakënaqësi që kanë qenë brenda LDK-së tashmë kanë filluar që të dalin në pah.
Ai ka thënë se gabimi i secilit kryetare të LDK-së është që nuk lejojnë natyrshmëri, por që kanë preferenca të veta për personat për deputet dhe për t’i pasur afër.
“LDK edhe në këtë situatë po provon që të dëshmojë që është parti më demokratike se të tjerat që shpërfaqin në kohë rekorde pakënaqësitë të cilat mund të fshihen s’pasoje e momenteve të caktume që kanë ditë të fshihen… sidomos preferencat që ka pasur kryetari me njerëzit për të qenë deputet dhe për t’i pasur afër. Kjo llojë tradite është e secilit kryetar në LDK dhe ky është gabimi thelbësor që nuk lejojnë natyrshmëri në LDK dhe secili kryetar që vjen provon që të organizojë njerëz të vet, të këtë fuqinë e vet, grupin e vet dhe pastaj shfaqën këto situata jashtëzakonisht demokratike dhe tenisonuese përbrenda partie”, ka thënë ai.
Ai ka thënë se LDK e ka të nevojshme një reformim të mirëfilltë të brendshëm.
“LDK e ka të nevojshme jashtëzakonisht imediate reformën e mirëfilltë të natyrshme përbrenda subjektit politik. Është diçka interesant, për dallim prej drejtuesve të tjerë të LDK-së të bëhemi të sinqertë më këtë metodë që e ka bërë e cila është jodemokratike, jo e mirë, jo e shëndetshme ka arritur që të ngritë ku ka qenë nga 12 % në 18 %…”, ka deklaruar ai në “Këndin e Debatit” në Tëvë1.
Dalin në publik pakënaqësitë brenda LDK-së, kërkohen ndryshime në lidership
