Politologu, Albinot Maloku ka uruar që kryeministri Albin Kurti të bëhet ‘pishman’ dhe t’iu ofrojë bashkëpunim subjekteve politike për formimin e qeverisë së re.
Maloku në emisionin “Këndi i Debatit” në Tëvë1 ka thënë se për të nuk do të ishte befasuese nëse Kurti do ta bënte një gjë të tillë pasi sipas tij ai edhe më herët i ka ndryshuar vijat e ‘ashpra’ të tij.
“Do të ishte shumë më patriotike e më e drejtë që t’i binte pishman për muhabetin që e ka bërë Kurti dhe t’iu ofronte bashkëpunim të mirëfilltë, të mirëqenë subjekteve tjera politike. Ky po vazhdon dhe kjo është shqetësuese. Nuk është që nuk ka qenë praktikë me ndryshu Kurti nga ato vijat e ashpra të tij dhe për mua nuk është befasi me ndryshu. Nuk ka qenë befasuese sidomos kur kam parë momentin kur e ka marrë pushtetin pas 2021 ku ka pasur ndryshime radikale nga ai Kurti i opozitës me këtë të pushtetit dhe tani sidomos kur pushteti po i jep leverdinë e vet nuk besoj që nuk do të provojë të gjej metoda për të bërë kompromise dhe do të ishte shumë e drejtë sidomos tani kur kemi një situatë të Kosovës me nevoja të brendshme dhe të jashtme”, ka thënë Maloku.
Ai ka shtuar se për të këshilla më e mirë që mund t’ia jap dikush Kurtit ‘kokëfortë’ do të ishte që t’i ofroj bashkëpunim kujtdo qe shpreh gatishmëri për të rregulluar Kosovën.
“Unë konsideroj dhe do të ishte këshilla më e mirë që mundet t’ia jap dikush këtij njeriu në dukje kokëfortë mirëpo që nuk është i tillë se nuk është që nuk ka ndryshuar, ta ulë këtë metodë të pahijshme, ti bie pishman dhe t’i ofrojë bashkëpunim subjektit i cili e ka gatishmërinë për të rregulluar Republikën”, ka shtuar ai./teve1.info/
