Politologu, Albinot Maloku, duke folur për mundësitë e formimit të qeverisë së re, ka vlerësuar se është e mundshme që të bëhet edhe nga LVV por edhe partitë opozitare.
Por, ai ka thënë se një koalicion qeverisës mes Lëvizjes Vetëvendosje dhe Partisë Demokratike do të ndikonte në shuarje e polarizimeve politike.
Maloku në emisionin “Këndi i Debatit”, ka thënë nëse LDK bëhet pjesë e qeverisë “shpëton” Abdixhiku por jo partia.
“Kishte me qenë shumë më mirë me u pa, ndoshta me u shua këto polarizimet mes Lëvizjes Vetëvendosje dhe Partisë Demokratike. Në qoftë se Lidhja Demokratike bëhet pjesë e qeverisë, shpëtohet z.Abdixhiku por jo partia. Lidhja Demokratike e Kosovës ka nevojë me qenë prapë në opozitë por me parakushtet me qenë më e angazhuar maksimalisht. LDK do të ishte e shpëtuar në opozitë”, ka thënë ai.
