Profesori, Fadil Maloku ka folur për manipulimin e votave, duke deklaruar se një deputet të cilit i janë shtuar votat dhe është bërë kandidat deputet sipas tij, do duhej me jep dorëheqje dhe mos me pranua postin e deputetit.
I ftuar në emisionin “Ditari” në tëvë1, Maloku u shpreh se disa parti gjatë përzgjedhjes së kandidatëve për deputet nuk kanë përdorë asnjë kriter.
Gjë që sipas Malokut, në të ardhmen subjektet politike do duhej me e rishqyrtuar agjendën për deputet si dhe me i bë përzgjedhjen e kritereve të cilat janë dobiprurëse për atë parti.
“Një deputet të cilit i janë shtuar votat dhe është bërë kandidat deputet për mendimin tim si akt moral do duhej si akt moral me jep dorëheqje dhe mos me pranua postin e deputetit, në anën tjetër ne kemi vërejtur gjatë përzgjedhjes së kandidatëve ka pasur parti që nuk ka përdor kurfar kriteri. Subjektet politike në të ardhmen do duhej me rishqyrtuar agjendën për deputet me i bë përzgjedhjen me kriteret të cilat janë dobiprurëse edhe për partitë”, ka deklaruar Maloku.
Ndërsa i pyetur për zgjedhjen e presidentit të ri, Maloku tha se presidentja e meriton edhe një mandat tjetër, duke theksuar se paraqitja e saj në Davos ka qenë një super plus.
“Unë e kam thënë edhe publikisht që e meriton edhe një mandat, paraqitja e saj në Davos, faktikisht është në rolin super plus dhe mendoj që është një element vendimtar sa do të has te subjektet këtu që i kemi nuk e di, secili bën kalkulimet e veta”, ka thënë ai./teve1.info/
