Politologu, Albion Maloku duke folur për çështjen e hapjes së urës së Ibrit, pas sinjaleve të dhëna edhe nga Bashkimi Evropian se janë pjekur kushtet, ka thënë se nuk kishte sqarueshmëri nga blloku i vendeve anëtare.
Ai ka thënë se BE e tregu e jashtëzakonisht e matur në këtë çështje.
Por, ai ka thënë se pavarësisht pompozitetit që ju dha kësaj çështje, ku pati raportime edhe për hapjen e saj, ka thënë se kryeministri në detyrë, Albin Kurti nuk foli për këtë çështje, dhe sipas tij bëri mirë.
“Kurti nuk i dha pompozitet çështjes së urit Ibrit pasi nuk kishte sqarushmëri as nga BE, kanë qenë jashtëzakonisht të matur. Çështja e hapjes së urës jam i bindur që ka me pas fazën e vet që nuk ka me qenë teme ditore”, ka thënë Maloku në emisionin “InfoNata” në Tëvë1.
Duke komentuar letrën e dërguar nga presidenti serb Vuçiq në drejtim të Sekretarit të Përgjithshëm të NATO-s, Mark Rutte, ka thënë kjo është për konsumim të brendshëm për shkak të zgjedhjeve që do të mbahen në nëntor.
“Komandanti i KFOR-it në Kosovë para dhënies së kompetencës të një veprimi që KFOR-i e bënë në Republikën e Kosovës e ka njoftua komandantin e ushtrisë së Serbisë dhe dakordim ka pas. Do ta përdorin këtë situatë për ta shfrytëzuar për proces zgjedhor. Dhe mua nuk më shqetëson aspak Vuçiqi për to. Kemi KFOR-in, NATO-n që ka vepruar në mënyrën më racionale”, ka thënë Maloku.
