Ta shesë apo ta mbajë? Kjo është dilema te skuadra e Mallorcas sa i përket sulmuesit të Kombëtares së Kosovës, Vedat Muriqi.
Forma e dobët e Muriqit në javët e fundit, ka shqetësuar Mallorcan, e cila i ka humbur dy ndeshje rresht në La Liga.
Në fakt, Muriqi nuk ka shënuar gol që nga humbje 5:1 kundër Barcelonës, ndeshje kjo e luajtur në fillim të muajit dhjetor të vitit të shkuar.
Në total, Muriqi deri më tani këtë sezon në kampionat i ka shënuar 3 gola në 16 ndeshje kampionale kurse ka bërë edhe dy asistime.
Mallorca, tashmë e ka në tavolinë ofertën e Fenerbahçes, ekip që është gati të ofrojë 10 milionë euro për kartonin e tij.
Kështu që, gjasat janë të mëdha që ky të jetë sezoni i fundit për Muriqin te Mallorca edhe pse ka kontratë deri në verën e vitit 2027.
