Skuadra nga Spanja, Mallorca po planifikon që ta mbajë në skuadër edhe për disa vjet sulmuesin e Kosovës, Vedat Muriqi.
“Mundo Deportivo” ka shkruar të martën se te Mallorca janë të kënaqur me Muriqin, të cilin po e vlerësojnë edhe si lider të skuadrës.
Mësohet se për këtë arsye, drejtuesit e Mallorcas kanë nisur punën për t’ia vazhduar kontratën Muriqit, i cili të hënën mbrëma regjistroi ndeshjen e 100-të në La Liga.
Muriqi ka kontratë me Mallorcan deri në vitin 2027 kurse këtij ekipi iu bashkua në vitin 2022 nga Lazio për 8 milionë euro, duke u bërë transferimi më i shtrenjtë në histori të klubit.
Muriqi që po cilësohet si legjendë e Mallorcas, këtë sezon ka shënuar 6 gola dhe ka bërë 2 asistime në 20 ndeshje të luajtura në kampionatin spanjoll.
