Skuadra e Malishevës, të martën ka nisur përgatitjet për sezonin e ri.
Klubi nga Superliga ka njoftuar se pushimi tashmë ka përfunduar dhe se futbollistët janë të gatshëm për t’u bërë gati sa më mirë për sezonin e ri.
Sezoni 2024/25 do të jetë historik për Malishevën pasi për herë të parë në histori të klubit do të paraqitet në garat e UEFA-s, përkatësisht raundin e parë kualifikues të Ligës së Konferencës.
Malisheva sezonin 2023/24 e përfundoi në vendin e katërt në Superligën e Kosovës, pozitë që ka garantuar paraqitjen në Evropë.
