Malisheva e ka fituar derbin me Prishtinën të premten, duke iu afruar pozitës së dytë, me pikë të njëjta sa Ballkani.
Skuadra e Bekim Isufit triumfoi me rezultat minimal 1;0, me një gol të realizuar që në fillim të ndeshjes.
Donart Vitija në minutën e dytë shënoi nga afërsia, që ishte goli i vetëm i tërë ndeshjes, me Prishtinën që shumë pak ka rrezikuar për të kërkuar golin e barazimit.
Prishtina ka 35 pikë, në pozitën e katërt, e cila mund të ndryshojë pas ndeshjeve të vikendit.
Në duelin tjetër, Drita rrit avantazhin e pikëve si lidere e Superligës tani në 16 pikë, por me një ndeshje më shumë se Ballkani e Suhareka.
Gjilanasit triumfuan siç pritej ndaj Feronikelit, por minimalisht me vetëm një gol.
Në fund të pjesës së parë, Arb Manaj shënoj golin e vetëm të fitores së Dritës, që arrin në kuotën 60 pikëve pas fitores së 17-të të sezonit.
Ekipi i Zekirija Ramadanit, me hapa të sigurt po shkon drejt titullit kampion.
