Të mërkurën dhe enjten, do të luhen ndeshjet çerekfinale të Kupës së Kosovës, ku edhe do të përcaktohen skuadrat gjysmëfinaliste të kësaj gare, që është rruga më e shkurtër për te trofeu dhe garat evropiane.
Të mërkurën prej orës 13:00, janë dy ndeshjet e para çerekfinale, ku do të përballen Drenica – Ferizaj dhe Malisheva – Llapi.
Megjithatë, vëmendja do të jetë te dueli i skuadrave të Superligës, të cilat fokusin e kanë te Kupa e Kosovës dhe vikendin e shkuar u përballen në Superligë ku luajtën pa gola.
Malisheva është e treta në Superligë me 34 pikë, 12 më suhmë se Llapi që renditet i parafundit në tabelë.
Edhe të enjten, gjithashtu janë dy ndeshje që startojnë në orën 13:00, ku do të përballen Vëllaznimi – Prishtina dhe Prishtina e Re – Drita.
Prishtina dhe Drita, ekipe që garojnë në Superligë, vlerësohen favorite përball Vëllaznimit e Prishtinës së Re që janë pjesë e Ligës së Parë.
Të gjitha ndeshjet e fazës çerekfinale të Kupës së Kosovës, mund ti shihni në platformën Telkos.
