Sulmuesi i krahut, senegalezi Assane Diatta është përforcimi më i ri i skuadrës së Malishevës.
Ekipi nga Superliga e Kosovës, të martën e ka prezantuar 25-vjeçarin, i cili do të jetë pjesë e Malishevës për sezonin 2025/26.
Diatta sezonin e shkuar ka luajtur për skuadrën e Gostivarit në Maqedoni të Veriut, dhe në 22 paraqitje në të gjitha garat, ka shënuar 2 gola dhe ka bërë 3 asistime.
Pas dy xhirove të zhvilluara në elitën e futbollit kosovar, Malisheva ka tubuar një pikë pasi ka humbur nga Prishtina e Re (4:0) dhe ka barazuar me Ballkanin (1:1).
