FC Malisheva ka nisur të përforcohet për sezonin e ri 2022/23.
Ekipi i Malishevës gjatë ditës së sotme ka prezantuar dy futbollistë. Fiton Hajdari dhe Qlirim Avdulli janë lojtarët që kanë arritur akord me skuadrën e drejtuar nga Arsim Thaqi.
Malisheva të dy futbollistëve ju ka uruar mirëseardhje në shtëpinë e tyre të re. Hajdari sëfundmi ka qenë pjesë e Sport Club Gjilani, derisa ka mbrojtur ngjyrat edhe te Llapit, Trepçës e Trepçës ’89.
30-vjeçari me Malishevën ka firmosur një kontratë që e lidh atë me ngjyrat e kaltërta për një edicion.
Ndërsa edhe Qlirim Avdulli ka firmosur një shkresë një vjeçare, por 23-vjeçari sëfundmi ka qenë pjesë e Ulpianës, kurse ka luajtur edhe për Arbërinë, Llapin e Drenicën. /Tëvë1/
